الجنس : عدد المساهمات : 668 نقاط : 1701 التقيم : 13 العمر : 29 :
موضوع: ((((نصائح هاااااااامة لطلبة الثانوية العامة)))) الخميس يناير 12, 2012 1:39 pm
أهلا بكم طلبة الثانوية العامة كيف حالكم؟؟؟؟؟؟ ف البداية انا نقلتلكو الموضوع ده للافاده لانة فادني كتير ف الثانوية بداية ...........أحب أن أعرفكم بنفسى أنا لحد السنة اللى فاتت كنت زيكوا كدة فى ثانوى بس اتعلمت شوية حاجات من السنتين اللى فاتوا وحبيت أقولهم لأخواتى هنا ع المنتدى وأتمنى أنها تفيدكم على بركة الله نبدأ أولا : جدد نيتك قبل البدء بالمذاكرة عليك بتجديد النية من الدراسة وذلك لكى تتحصل على الآجر والثواب فى كل دقيقة تمضيها فى الدراسة كيف أجدد نيتى؟؟؟؟؟؟ ببسطاطة كدة قبل المذاكرة تقول (اللهم اجعل نيتى فى مذاكرتى رضاك ورضا الوالدين ونصرة هذا الدين) طبعا لابد من استشعار معنى أن دراستك هى طاعة لربك ونصرة لدينك والله سوف تحس أن دراستك متعة بالنسبة لك وليست مهمة قاسية على قلبك ومفروضة عليك فرضا وهكذا سوف يكون لك عظيم الأجر والثواب على ذلك ثانيا : قبل وبعد المذاكرة طبعا أكييييييييييد كلنا حافظين الأدعية اللى بتتقال قبل المذاكرة والأدعية اللى بتتقال بعد الأنتهاء منها ياريت مننسهاش يا جماعة بجد وفى حاجة كمان ياريت نبدأ مذاكرتنا ونختمها بآيات من كتاب الله ولك الحرية ممكن تقرأ صفحة من القرآن أو حزب فى بداية ونهاية الدراسة بس تخيلوا يا جماعة أن دراستكوا هتبقى بين أيات الله بركة عظيمة بأذن الله
ثالثا: نظم وقتك من أكثر المشاكل التى يقع فيها طلاب الثانوية العامة هو عدم تنظيم الوقت وتضيعة بمعنى مينفعش طالب ثانوى عام يخلى كل حاجة لما يجى وقتها مينفعش يحل الواجب قبل الدرس بساعتين مينفعش اليوم اللى مش بيبقى فية علية درس يقعد يلعب ويحط نفسة فى أزمة لما يجى معاد الدرس ويقعد يكروت فى المذاكرة والواجب عشان يلحق يخلص قبل معاد الدرس لأ يا جماعة.....فى حاجة اسمها نظام ووالله العظيم كدة مش ينفع خاااااااالص بصوا يا سادة 85%من التفوق فى الثانوية العامة يعتمد على تنظيمك لوقتك طيب......أنظم وقتى ازاى؟؟؟؟؟؟؟ طبعا أكييييييييد محتاج تعمل جدول ليومك كل يوم بحسبة بسيطة كدة تشوف عدد الساعات اللى ممكن تذاكرها يعنى مثلا لو احنا فى يوم دراسة عادى يبقى عندك اليوم 24 ساعة منها 6 ساعات نوم 6 ساعات مدرسة ساعة ترفية (أى خدمة) ساعتين أكل ورغى والذى منة 4 ساعات درس كدة يبقى فاضل عندك فى اليوم 5 ساعات (طبعا دى مجرد افتراضات يا جماعة يعنى أنا مثلا كنت بقعد ساعتين تلاتة فى المدرسة بس أنا بفترض أن مدرستى تختلف عنكوا....ما علينا) بصوا بقى الخمس ساعات دول يبقوا مذاكرة صافى فاهمين يعنى أية صافى/size] [size=21]يعنى مثلا متكنش فى بنت محددة ساعتين لمذاكرة الفيزياء وتبدى مذاكرة وتقعد ربع ساعة تذاكر وبعين يجيلها تيلفون تقعد بقى ترغى فى التيلفون ساعة ونص وبعدين ترجع تكمل كمان ربع ساعة فيزياء....... وبكدة قال أية تكون خلصت مذاكرة الفيزياء!!!!!!!!!! لالالالالالالالالا وألف لا .احنا كدة هنبقى بنضحك على نفسنا طالما انت مثلا محدد ساعتين فيزياء يبقى ساعتين فيزياء ساعتين الا دقيقة مينفعش دة أنت حتى لو قمت تشرب فى دقيقتين لازم تعوضهم تانى...........أوكى معلش أذا كنت طولت فى شرح الجزئية دى بس فى ناس فعلا مش فاهمة الجزئية دى بالمعنى دة نرجع بقى لكلامنا أحنا هنيجى كدة أول كل أسبوع وهتبقى عارف الحاجات المطلوبة منك فبحسبة بسيطة بردوا هتحدد الساعات اللى هتذاكرها كل يوم (ملحوظة: مش لازم تقيد نفسك بعدد معين من الساعات كل يوم أنا فى أيام كنت بذاكر فيها سبع ساعات لأنى كنت فاضية وأيام تانية مكنتش بكمل ساعة لأنى كنت ببقى مشغولة ,,,,,,,,,مش مشكلة .......أوكى) وطبعا مش مشكلة عدد الساعات القليل يوميا فى المذاكرة المهم هو حصيلة ساعات المذاكرة اسبوعيا لأنى زى ماقولت فى أيام بنبقى فاضين فيها وفى أيام تانية مش بنقدر نشم نفسنا فيها مثال واحد محدد أنة هيذاكر فيزياء أربع ايام فى الأسبوع بمعدل ساعتين كل يوم يبقى كدة.........ذاكر تمن ساعات فيزياء صافى فى الأسبوع وهكذا بالنسبة لباقى المواد ودة مثال توضيحى السبت:ساعتين فيزياء_ساعتين E_ساعة احصاء الأحد:3 ساعات أحياء_ساعتين عربى _ ساعة فيزياء الأثنين: ساعة أحياء _ ساعة أحصاء (طبعا اليوم دة أنت مش فاضى عنك درس أو هتخرج فعدد ساعات المذاكرة قليل) وهكذا يا جماعة كل يوم تبقى محدد أنت هتذاكر أية وقد أية...................أوكى ومعلش بقى أنا عارفة أنى خنقتكوا بس دى شوية حاجات لازم تراعيها فى وضع الجدول أولا: لايتوالى مادتين للحفظ أو مادتين للفهم ورا بعض يعنى مينفعش فيزياء واحصاء ورا بعض لأن دة بيسبب أرهاق عقلى والأرهاق العقلى أشد تعبا من الأرهاق البدنى............أوكى ثانيا:لابد وأن يتناسب جدول الدراسة مع الظروف المحيطة وأوقات الدروس يعنى مثلا بفرض أن حد بياخد فيزياء يوم التلات يبقى على الأقل يخصص فى جدول الدراسة يوم التلات ساعة للفيزياء عشان يذاكرها فى نفس اليوم ولو مذاكرة سريعة قبل ما ينسى ويوزع بقية وقت الفيزياء طول الأسبوع بحيث أنة ميتراكمش علية الشغل كلة يوم الأتنين ويوم الأتنين بردوا يكون مجهز وقت للفيزياء عشان يراجع قبل ما يروح الدرس........أوكى ثالثا:كن مرنا يعنى لو أنت مثلا عندك امتحان أحياء يبقى طبيعى مثلا هتذاكر أحياء زيادة عن المعتاد ومثلا هتقلل ساعات مذاكرة العربى....عادى ولا يهمك حصلك ظرف وأضطريت أنك تغير حاجة فى الجدول متزعلش أوى وتضايق نفسك الجدول يا جماعة مش قرآن مقدس بحيث أننا نموت نفسنا لو غيرناة وفى نفس الوقت مش لعب عيال بحيث أننا نلعب فية براحتنا ونغيرة ع مزاجنا ومش نحس بأهميتة ملحوظة: لو جمعنا حصيلة المذاكرة طول الأسبوع يجب الا تقل عن 30 ساعة ودول مش كتير.لأ دول بالميت خالص بفرض أنك بتذاكر كل مادة ساعة يوميا فى الأسبوع ويوم اجازة كمان
رابعا:كن هادئا الدراسة فى جو نفسى مليئ بالتوتر العصبى والضغط النفسى لايكون لة فائدة كبيرة.......بمعنى أنك فى ظل التوتر قد تستغرق ثلاث ساعات لدراسة شيئ لا يستغرق فى الحقيقة أكثر من نصف ساعة لهذا فالراحة النفسية والهدوء والأسقراروالأتزان الداخلى شيئ مهم جدا ليس لطلبة الثانوية العامة فقط بل لكل البشر ولكن هدوء الأعصاب لا يعنى اطلاقا برود الأعصاب وعدم الأحساسا بالمسؤلية فمثلا لا تهمل واجباتك ودراستك وتكون هادئا وغير قلق!!!!!!!!!!!!!!!!!!!!!!!!!!! لالالالالالالالالالالالالالا وألف لا نحن نقصد عدم زيادة التوتر والشد والضغط العصبى عن الحد المعقول لكى لا يكون لة تأثير سلبى عليك ولهذ حاول بقدر الأمكان تجنب كل ما يسبب هذا الضغط من مشاكل وخلافات ولا تكن أنت مصدرا للضغط العصبى على نفسك بأن تهمل دراستك فيلومك أهلك _وهو من حقهم_ فينعكس هذا سلبا عليك خامسا: ثق فى قدراتك أنت انسان خلقك الله وحباك هبة العقل والتفكير لهذا فأنت قادر على صنع المعجزات تذكر دائما أنك مميز وقادر على فعل كل شيئ بأرادتك الصلبة وايمانك بهدفك ولهذ أياك أن تقلل من شأن نفسك وتحتقرها ولاتحبط نفسك قائلا (أنا فاشل مهما عملت هفضل غبى ومش هفهم حاجة ومفيش فايدة) لأ.......حاول مرة واتنين وتلاتة ولكن لاتؤلف قصة أنك فاشل وتصدقها وتوهم نفسك بها عندها من الممكن جداااااااا أن تتحول الى فاشل حقيقى تذكر دائما أن النجاح ليس الا قرار شخصى فأنت فقط ولا أحد غيرك يستطيع اجبارك على أن تكون ناجحا ولكن رغبتك فى النجاح هى الدافع الحقيقى الذى سوف يوصلك الى ماتريد وأكبر دليل على صق كلامى وأنك لست فاشلا (ويجى منك على رأى المثل) هو قرائتك لهذا الموضوع ليس لأنة موضوعى ولكن لأنك تعلم من عنوان الموضوع أنة ربما يساعدك بطريقة من الطرق أذا أنت شخص تبحث عن أسباب النجاح لذلك بالله عليك لاتحتقر نفسك وتوهم نفسك بأنة لافائدة وفى نفس الوقت أياك والغرور والثقة الذائدة فى النفس تذكر دائما أن الأعتدال هو أفضل الأشياء ***************** هبقى أكمل بعدين يا جماعة عشان مش أطول عليكوا بس احنا لسة عندنا كلام كتييييييير فى رعاية الله
عدل سابقا من قبل محمد علي خسكية في الأربعاء ديسمبر 25, 2013 1:06 pm عدل 1 مرات
محمد علي خسكية
الجنس : عدد المساهمات : 668 نقاط : 1701 التقيم : 13 العمر : 29 :
موضوع: رد: ((((نصائح هاااااااامة لطلبة الثانوية العامة)))) الخميس يناير 12, 2012 1:40 pm
سادسا: اياك واليأس ربما تتعثر فى بعض الأوقات وتتراكم عليك الدروس وتحس أنك تائة وضائع و تائة وربما أيضا يصيبك الملل وفى هذة الحالة لاتترك نفسك لليأس أبدااااااااا فاليأس سيزيد همك وحزنك ويضيع وقتك فى لا شيئ بأختصاراليأس سوف يزيد الطين بلة ولكن تذكر دائما أنة طالما مازال قلبك ينبض بالحياة.......طلام الدماء لازالت تسرى فى عروقك معلنة أنك زلت على قيد الحياة...... فهناك دائما أمل فى انصلاح الحال....وعودة الأمور الى سابق عهدها لازال هناك أمل وعليك ان تمسك بة ولا تتخلى عنة أبدااااااااااااا سابعا: علاقتك مع الرحمن بدون ثانوية عامة ولا غيرة علاقتك مع الخالق لابد أن تكون علاقة سا مية وطاهرة لأننا كما يحتاج جسدنا الى الغذاء لنحيا فأن روحنا كذلك بحاجة الى الغذاء وهو طاعة الرحمن وأن لم نغذى روحنا فأنها سوف تموت بالتدريج علينا أن نعرف الله فى وقت الرخاء ليتعرف علينا ويساعدنا فى أوقات الشدة وأنا والله اتعجب من حال البعض الذين لايتذكرون ربهم الا أوقات الأمتحانات أخوانى أن الله أغنى مايكون عن عبادتناكلنا ونحن أحوج مانكون الية وكما أخبرنا تعالى أنة لو أجتمع الناس كلهم على قلب أتقى رجل مازاد ذلك فى ملكة شيئ (وأنتم الفقراء الى الله والله هو الغنى الحميد) وأنى اتعجب من سيد يتودد الى عبيدة وللأسف يبتعد بعض العبيد عن سيدهم الرحيم هكذا بمنتهى السهولة سامحونى فى القول أن من يفعل هذا.........شخص غبى بجد علاقتك الجيدة مع ربك هى التى توصلك الى حالة الأتزان الداخلى التى تحدثت عنها من قبل حسن علاقتك مع ربك ليس من أجل الثانوية العامة فقط ولكن من أجل حياة سعيدة ومطمئنة
ثامنا:ضع لك هدفا تذاكر من أجلة الشخص الذى يدرس لمجرد الدراسة أو لأن من حولة يقولون لة ذاكر هذا الشخص لايشعر بمعنى لدراستة ويصيبة الملل كثيرا. فالدراسة بالنسبة لة مجرد اجراء روتينى مفروض علية ولهذا أقل ضربة وصدمة من الممكن أن تكون سببا فى انهيارة ولكن الذى يدرس لهدف هدفة يكون عونا لة على متاعب الدراسة ومشاقها هدفة هو الذى يمنحة الأمل والقوةحينما يحس باليأس هدفة يجعل لنجاحة طعما مختلفا لأنة حقق هدفة وهنا أحب أن أشير الى أن الناس نوعان 1_ساعاتى هو الذى يعمل ليلا نهارا ويبذل قصارى جهدة.......ولكن بلا هدف .فهو كالساعة التى تدور طوال اليوم ولكن بلا غاية أو نهاية 2_البوصلجى الشخص الذى يتحرك فى اتجاة هدفة المحدد والواضح أمامة بقوة حتى يصل الى غايتة يا ترى تحب تكون من أى نوع؟؟؟؟؟؟؟؟ أفضل نوع هو البوصلجى الساعاتى أى الذى يعمل بهمة ولهدف مححدد طيب انت دلوقتى حددت هدفك لازم يكون هدفك واااااااااااااضح قدامك وكلما كان هدفك أكثر وضوحا أمامك كلما اعطاك القوة والدافع على الصبر ةالتحمل والمثابرة وكلما كان هدفك مجرد شيئ خيالى غير محدد وواضح المعالم يبتعد عنك بالتدريج....كلما فقدت المميزات التى يعطيها لك الهدف (مثال.دلوقتى لو فى حد فى تاية فى صحراء مثلا وعطشان والدنيا حر وهيموت وفجأة لقى طايرة فى السما أية اللى هيحصل؟؟؟؟؟؟ الشخص دة بقدرة قادر كدة هتلاقية بقى قوى ونسى حالة الضعف اللى هو فيها وقعد يجرى وينادى بأعلى صوتة ويعمل اشارات للطيارة عشان كابتن الطيارة يشوفة وينجدة.......ياترى الشخص دة جاب القوة دى منين؟؟؟؟؟؟؟ وهو اللى كان من شوية بيموت.....جابها لأن هدفة كان واضح ومحدد قدامة فى الطيارة اللى هتنجدة .......الهدف الواضح دة هو اللى أعطاة القوة دى فى لحظة ضعفة........طيب لو الشخص دة مكانش شاف طيارة ولا بتاع ....يعنى مكانش فية هدف محدد وواضح قدامة......ساعتها هيستسلم لليأس ويرضى بالأمر الواقع........والله يرحمة بقى) فهمتوا قصدى يا جماعة........طول ما هدفك واضح ومحدد قدامك طول ما هيديك الأمل والقوة وعشان كدة نصيحة وعن تجربة أكتب هدفك فى ورقة كبيرة وبخط كبييييييييير وعلقها فى أوضتك واعملة خلفية للموبايل والكمبيوتر بتاعك كمان واكتبة فى كشاكيلك وعلقة جوة فى دولاب هدومك..........حطة فى كل حتة بحيث أنك تفضل دايما فاكر هدفك وتستمد منة القوة والأمل........أوكى
تاسعا:لاتبخل على زملائك للأسف كثير مننا يعتقد فى نظرية المؤامرة أذا سألنى شخص عن شيئ ما......فهو وبلا شك يريد تضيع وقتى ويتخيل البعض أيضا أنة أذا أجاب على أسئلة زميلة فسوف يتفوق علية وهذا _عفوا_ تفكير مريض يدل على اننا مبدأنا فى الحياة هو لكى أفوز لابد وأن يخسر الآخرون لا والله............من الممكن أن يكسب الجميع ولا أجد أبلغ من قول المصطفى_صلى الله علية وسلم_ (والله فى عون العبد ما كان العبد فى عون أخية) وتذكروا ياأخوانى أن لكل منا نصيب مقدر لة .........فأجتهد ولن يصيبك الا ما كتبة لك المولى عز وجل زملائى.........لاتبخلوا على بعضكم بالعلم فهذا العلم سوف يسألنا المولى عز وجل عنةيوم القيامة والله يا أخوتى أنا لاأزكى على الله أحدا ولا أشكر فى نفسى ولكن بحمد الله لم يسألنى أحد يوما عن شيئ وأنا أعلم اجابتة وأنكر هذا مش هقولكوا ع البركة اللى كانت بتحصلى كنت ممكن أنا وصحابى نقعد نتكلم بالساعات فى التيلفون ليلة الأمتحان فى حاجات مش عارفينها والناس فاكرة ان دة بيضيع الوقت ودة بالعكس والله كان بيساعدنى جدااااااااا وبيفكرنى بالمعلومات ووالله كان ربنا بيبارك بطريقة رهييييبة يوم الأمتحان الصبح ببركة الله أفتح الكتاب عينى تقع ع جملة تيجى فى الأمتحان فى لجنة الأمتحان نفسها حالة من الهدوء والسكينة والثقة فى النفس وكل هذا ليس الا بفضل الله وبركتة وأنا كما قلت لا أزكى على الله أحدا ولكننى فعلا أضيق ذرعا بمن يكتمون العلم عن زملائهم ظنا منهم أن هذا هو الأفيد لهم ساعدوا صحابكوا وزمايلكوا........أقسم بالله مش هتندموا محدش يعيش عشان نفسة وبس يا جماعة
عاشرا:سياسة الثواب والعقاب بمعنى أنت وضعت لنفسك جدولا التزمت بة بنسبة 90% هذا جيد جدا و يعتبر انجاز لا تحتقرة وكافئ نفسك مكافأة النفس تكون مثلا خروجة مع صحابك مرة فى الشهر مثلا وكل ما كان الأنجاز عظيم كل ما كانت المكافأة أعظم لكى يكون هذا دافعا وحافزا للعطاء والزيادة (بس محدش بقى يستحلى الحكاية بقى وكل شوية يقعد يكافئ نفسة ويضيع الوقت فى كدة .لأ دى مجرد حاجة بتجدد بيها نشاطك وبتدى فيها أمل لنفسك مش أكتر) وفى نفس الوثت أذا قصرت فلابد من وقفة عتاب وتأنيب مع النفس لابد من وقفة مع النفس لوضع النقاط فوق الحروف كما يقولون والوقوف على مواضع الخلل والتقصير ومحاولة معالجتها وعاقب نفسك أيضا لتتعلم هذة النفس كيف تسيطر على أهوائها ورغباتها عاقب نفسك لكى تقودها أنت لا لتقودك هى واعلم أن النفس كالطفل الصغير بأمكانك تشكيلة كما تشاء وبردوا كل ما كان التقصير عظيم كل ما كان العقاب أعظم احد عشر :ذاكر صح عشان نذاكر صح والمذاكرة بتاعتنا تجيب نتيجة لازم نراعى شوية حاجات 1_المذاكرة فى جو هادئ(يعنى محدش يذاكر قدام التيلفيزيون أو الكاسيت.......صاحب بالين كداب) 2_نذاكر ع المكتب مش ع السرير أو الكنبة 3_المكتب اللى بنذاكر علية مش يكون علية أى كتب أو مذكرات غير كتب المادة اللى بنذاكرها يعنى المكتب يبقى فاضى ودة لية أولا:راحة للعين ثانيا:المخ فى هذة الهالة هيقدر يسيف معلومات كتييييير لنفس المادة......يعنى المخ هيبقى مركز مع المادة دى بس مثال (لو انت بتذاكر فيزياء وفى على المكتب بتاعك كتاب أحياء هتلاقى نفسك ومن غير ماتقصد بصيت على كتاب الأحياء وشوفت معلومة أو رسمة.......مخك بقى هيحاول أنة يدخل المعلومة دى للداتا بتاعتة ودة طبعا هيشوشر ع معلومات الفيزياء اللى انت بتحاول تدخلها لمخك) 4_مهم جدا جدا جدا جدا جدا المذاكرة فى ساعات الذروة فى التركيز بالنسبة لك...فى هذة الساعات ياجماعة التركيز بيكون عالى جدااااااااا لأقصى ماتتصوروا وبتقدروا تتدخلوا كم رهيب من المعلومات فى أقل وقت ممكن وفى الغالب ساعات التركيز العالى دى بتبقى بعد الفجر ولمدة ساعتين تلاتة عشان كدة ياريت ياجماعة بعد صلاة الفجر مش ننام. لأ نذاكر لحد الساعة تسعة كدة وبعدين صلوا الضحى......وتصبحوا على خير بس بالله عليكوا مش تفتوا الساعات دى جربوها بس فى يوم وبعدين هتلاقوا نفسكوا متمسكين بيها لأنكوا فيها بتعملوا انجاز بجد 5_ابدأ مذاكرتك بالحاجات السهلة واللى بتحبها عشان تحس أنك عملت انجاز ...... ودة هيديك أمل ودفعة لمذاكرة الحاجات الصعبة 6_مهم جدااااااااااااااا حل الأسئلة بعد المذاكرة على آى مادة يعنى مذاكرة وحفظ بس مش تنفع الأسئلة والله هى اللى بتثبت المعلومة دة غير أن آخر السنة اللى بيجيلك فى الأمتحان أسئلة مش بيقولك.......سمع الكتاب من الجلدة للجلدة!!!!!!! 7_مهم جداااااااااااا جدااااااااااا المراجعة التراكمية يعنى كل شوية كدة حاولوا تلموا المنهج فى دماغكوالأننا مثلا فى الدرس بناخد الدرس على مراحل زى باب الأحياء أو الكيمياءكدة وبنذاكرة حتة حتة.......عشان كدة لازم نلم الموضوع ككل فى الآخر ونربطة ببعضة 8_اوعى اوعى اوعى اوعى اوعى آى حد يسيب يقطع بأى مادة ويسيبها فترة كبيرة من غير ما يفتح فيها كتاب وبالذات طلبة علمى بتوع سنة تالتة تلاقيهم كدة بيدوا كل اهتمامهم للفيزياء والأحياء وينسوا أن فى حاجة اسمها عربى وانجليزى واحصاء وبعدين بيحتاسوا حوسة الدنيا والآخرة فى شهر خمسة ويقولوا ياريت اللى جرا ما كان ودة برضوا يا جماعة بيتحل بتنظيم الوقت زى ما قولت 9_دى بقى حاجة ليكوا يا شباب الأنترنت تخلوا عن احلامكوا الألكترونية والأنترتية شوية النت بيسرق الوقت جااااااااامد جداااااااا النت مفيد ومضر فى ايام الدراسة ياريت نحدد لنفسنا وقت ع النت ومش نخش الا أذا حسينا ان احنا بنستفيد ونفيد بجد وطبعا ندخل ع الأقسام التعليمية وننسى شوية جرس الفسحة والحاجات دى أنا مش بقول قاطعوا النت بس استخدموة بعقل.......أوكى يا شباب
[center]اثنى عشر : كن رجلا مع نفسك لقد قرأت هذا الموضوع ......حاول الألتزام بما فية ووضعت لنفسك جدولا للمذاكرة.....التزم بة عقدت العزم على أن تكون انسانا مختلفا.......نفذ ذلك حددت هدفا من دراستك..........حاول تحقيقة كن رجلا مع نفسك لتتحترم نفسك وتقدرها ويحترمك الناس أيضا ******************** وفى النهاية أخوانى لقد انتهيت تقريبا بفضل الله وكلامى ليس الا عناوين للنجاح من يريد النجاح بستطيع أن يختلق لة الألاف من الأسباب تذكروا فقط أن من جد وجد ومن زرع حصد وأنة وما نيل المطالب بالتمنى ........ولكن تؤخذ الدنيا غلابا وأنة من طلب العلا ..........سهر الليالى وقولة تعالى (ان الله لا يضيع أجر من أحسن عملا)
أرق تمنياتى وخالص دعواتى للجميع بالتوفيق دنيا وآخرة لاتنسونا من صالح دعائكم,,,,,,,
موضوع: ((((نصائح هاااااااامة لطلبة الثانوية العامة)))) 
الخميس يناير 12, 2012 1:39 pm
.احنا كدة هنبقى بنضحك على نفسنا
...........أوكى
